CASA PRIS

A edificación é unha construción entre medianeiras de cinco alturas construída en 1932. Nas plantas baixa e entreplanta disponse un local comercial polivalente, a planta primeira destínase a apartamento de uso turístico, e nas tres plantas restantes resólvese un tríplex como vivenda familiar dos propietarios. A escaleira existente, que amplía o seu oco central a medida que ascende, ilumínase mediante un amplo oco en cuberta. A estrutura horizontal que conforma os forxados de piso é de madeira de piñeiro tea e está formada por unha dobre orde de vigas e pontóns e establecido de piso que a completa arriostrando o forxado e achegando rixidez ao conxunto da estrutura. A altísima calidade desta madeira en termos de durabilidade e estabilidade e a súa sofisticada configuración en canto a dimensionado e resolución das unións dótanlle dun gran valor patrimonial. Por iso, a súa conservación, reparación e posta en uso adoptouse como un dos argumentos principais da intervención. Preténdese que no resultado final sexa testemuña dos valores da construción orixinal e dos distintos procesos que o alteraron ofrecendo, á vez, un novo espazo adaptado aos máis altos estándares de construción actuais xerando unha atmosfera cálida, luminosa e cunha espacialidad fluída e interconectada.